Basketball: APR na REG zigaranzuye RSSB TIGERS na patriots kumunsi wa 2 wa kampara mpaka
Ni imikino ya kamarampaka (Playoffs) muri shampiyona ya Basketball ikomeje aho umunsi wa kabiri wasize amakipe ya APR BBC na REG BBC abonye intsinzi nyuma yo gutsindirwa ku munsi wa mbere.
Mu mukino wabimburiye undi muri iki cyiciro, ikipe ya APR BBC yari yaratsinzwe umukino wa mbere, yihindukanye RSSB Tigers iyitsinda amanota 82 kuri 79.
Ni umukino watangiye ubona ikipe ya APR BBC idashaka gutakaza umukino wa kabiri wikurikiranya nyuma yo kwegukana uduce tubiri tubanza tw’umukino n’amanota 22 kuri 21 naho agace kabiri ikegukana ku manota 23 kuri 18 maze bajya kuruhuka ikipe ya APR BBC iyoboye umukino.
Ubwo bavaga kuruhuka, ikipe ya RSSB yagerageje gukosora amakosa yari yayiranze mu duce tubiri twari twabanje maze yegukana agace ka gatatu n’amanota 19 kuri 17 nubwo ikipe ya APR BBC yari ikiri imbere ku giteranyo rusange.
Agace ka kane ari nako ka nyuma k’umukino, karanzwe n’ihangana rikomeye ku makipe yombi APR ishaka gukomeza kuyobora umukino naho RSSB Tigers yo ireba ko yabona intsinzi ya kabiri yikurikiranya gusa APR BBC ikomeza kwitwara neza. Nubwo RSSB Tigers ariyo yegukanye aka gace ku manota 21 kuri 20 ya APR BBC, ibi ntacyo byahinduye kuko APR BBC yegukana umukino ku manota 82 kuri 79 ya RSSB Tigers.
Leonard Craig Randall wa APR BBC niwe watsinze amanota menshi muri uyu mukino kuko yatsinze amanota 31 aho yakurikiwe na ZOUZOUA NISRE MIMI wa RSSB Tigers we watsinze amanota 22.
Hakurikiyeho umukino wahuje ikipe ya REG BBC na Patriots BBC. Umukino wa mbere wari wahuje aba bombi, ikipe ya Patriots yari yatsinze ikipe ya REG BBC amanota 84 kuri 75.
Kuri uyu wa gatanu, siko byongeye kugenda kuko ikipe ya REG yigaranzuye Patriots maze iyitsinda amanota 74 kuri 71.
Ni umukino watangiye wegeranye cyane mu duce tubiri twa mbere ariko ubona ikipe ikipe ya REG irimo kuyobora umukino nubwo ikipe ya Patriots BBC ariyo yegukanye agace ka mbere n’amanota 22 kuri 21 ya REG BBC.
Ikipe ya REG BBC yegukanye agace ka kabiri n’amanota 18 kuri 13 ya Patriots, aha amakipe yombi yagiye kuruhuka ikipe ya REG BBC ariyo iyoboye.
Agace ka gagatukeguknywe na Patriots BBC n’amanota 15 ku 10 ya REG BBC aha umukino wari usibiye ibubisi. Ikipe ya REG BBC yongeye kuyobora agace ka kane k’umukino iranakegukana ku manota 25 kuri 21 ya Patriots bituma inegukana umukino ku manota 74 kuri 71 ya Patriots.
DAMARIA Franklin wa Patriots niwe watsinze amanota menshi kuko yatsinze amanota 28 wenyine.
Yaba APR na RSSB Tigers cyangwa se Patriots na REG, ubu bose baranganya umukino umwe kuri umwe.