DAVIDO YAHISEMO GUSABANA NA FAMILLE YE AREKA KWITABIRA IBITARAMO BYARI BUMWINJIRIZE ARENGA MILIYONI 900 rwf

Mu kiganiro yagiranye na The Fader, Davido yavuze ko kugira urugendo rw’ibitaramo igihe kinini bishobora kumunaniza mu mutwe, bityo rimwe na rimwe ahitamo kureka amafaranga menshi akagaruka mu rugo.

Yagize ati: “Ugomba gushaka umwanya. Nubwo mba ndi gushaka amafaranga ndi mu rugendo rw’ibitaramo, rimwe na rimwe mbwira umuyobozi wanjye nti: ‘Nzi ko bashaka kuduha $700,000 cyangwa $800,000, ariko dushobora kuyareka. Nkeneye kujya kureba umugore wanjye,’ kuko ari inkingi yanjye.”

Davido yakomeje avuga ko iyo ibihe byo gukora birangiye, umugore we ari we aba yitezeho ko aba ahari, ashimangira ko umuryango ari ingenzi cyane kuri we.

Ati: “Iyo byose birangiye, ni we uba ahari. Kuba uri mu rugendo rw’ibitaramo amasaha 24 kuri 24 birananiza mu mutwe, kandi rimwe na rimwe nkeneye gusubira mu rugo nkumva meze nk’umuntu usanzwe mu gihe gito.”

Aya magambo ya Davido agaragaza ko nubwo ibitaramo n’ubwamamare bimwinjiriza amafaranga menshi, hari igihe ahitamo kubishyira ku ruhande kugira ngo arinde umwanya we n’umuryango we.

Davido yahisemo umuryango we asubika ibitaramo byari kumwinjiriza $800,000