Abahanzi Nyarwanda Nel Ngabo na Kivumbi King, ndetse nâUmunya-Nigeria CKay, bataramiye abakunzi bâumuziki bitabiriye iserukiramuco rya AfrOstrava 2026, ryabereye mu Mujyi wa Ostrava muri Repubulika ya Tchèque.
AfrOstrava ni iserukiramuco rihuza abakunzi bâumuziki nyafurika baba muri Repubulika ya Tchèque ndetse no mu bindi bihugu byâi Burayi, rikagaragaza umuco, umuziki nâubuhanzi nyafurika.
Kivumbi King yataramiye abitabiriye, aririmba zimwe mu ndirimbo zirimo âKiriguteâ, âKikankaneâ, âSabrinaâ na âHanzeâ, zatumye abakunzi be bifatanya na we mu kuririmba no kubyina.
Nel Ngabo na we yahaye ibyishimo abitabiriye iki gitaramo, abinyujije mu ndirimbo zamamaye zirimo âZoliâ, âMolomitaâ na âA La Vieâ, ndetse nâizindi ndirimbo ze.
Muri iri serukiramuco, Nel Ngabo na Kivumbi King bahuriye ku rubyiniro nâumuhanzi wâUmunya-Nigeria CKay, na we wagaragarije abitabiriye ubuhanga bwe mu muziki.
CKay kandi yagiranye ikiganiro Kivumbi King na Nel Ngabo ndetse nâumuyobozi wa Kina Music, Ishimwe Clement, mu gihe bari muri iri serukiramuco.
Uretse ibitaramo byâumuziki, AfrOstrava 2026 yanagaragaje ibikorwa bitandukanye birimo kumurika umuco nyafurika, imbyino, ibiribwa gakondo nâibindi bikorwa bigamije guteza imbere no kumenyekanisha umuco wa Afurika mu Burayi.
Nel Ngabo kandi ategerejwe mu kindi gitaramo gikomeye cyiswe âDiamond Platnumz Experienceâ, giteganyijwe ku wa 29 Kanama 2026.
Muri iki gitaramo azahurira ku rubyiniro nâabahanzi barimo Diamond Platnumz, Bruce Melodie, Ish Kevin na Etania wo muri Uganda, ndetse nâabandi bahanzi batandukanye.


Nel Ngabo yatanze ibyinshimo kubitabiriye iserukiramuco rya AfrOstrava



Kivumbi King na Nel Ngabo bahuriye ku rubyiniro i Burayi




Kivumbi King yanyuze abakunzi bâumuziki i Burayi mu ndirimbo ze zakunzwe



CKay yaganiriye na Kivumbi King, Nel Ngabo na Ishimwe clement nyuma yigitaramo

